பாண்டியன் மறவனா? அல்லது மற்றவனா?

பாண்டியன் மறவனா? அல்லது மற்றவனா?-2.
☪☆☪☆☪☆☪☆☪☆☪☆☪☆☪☆☪☆☪☆☪☆☪

அன்பு நண்பர்களே! ... பாண்டியர் பற்றிய பல்வேறு தரவுகளும் அவர்களை மறவர் என்றே கூறுகின்றன. ஆயினும் பல சமூகத்தவர்கள்  தங்களது ஆய்வாளர்களை(??) வைத்து எழுதிய கதைகளையும், கட்டுரைகளையும், நூல்களையும் ஆதாரமாகக்கொண்டு தத்தம் சமூகத்தவன் பாண்டியன் என நிறுவ முயற்சிக்கின்றனர்.  பாண்டியர் மறவர் என்று இன்றல்ல, வேள்விக்குடி செப்பேட்டை வாசித்து படியெடுத்த அறிஞர்கள் அனைவருக்கும் அன்றே தெரியும்.  இன்று மீண்டும் அதை மீளாய்வு செய்யும் நிலைமை ஏற்பட்டுள்ளது என்றே கருதுகிறேன்.  ஏனெனில் அதில் வரும் "மற்றவர்" என்ற வாக்கியம் மிகவும் அர்த்தமற்ற, முட்டாள்தனமான அர்த்தங்களை தருகிறது. 

இந்த வேள்விக்குடி செப்பேடு மட்டுமல்ல. .. பாண்டியர் பற்றிய செய்திகளைச் சொல்லும் பெரும்பாலான கல்வெட்டுகள் அனைத்துமே மீளாய்வுக்குறியனவதாம். எடுத்துக்காட்டாக கீழே வரும் தளவாய்புர செப்பேட்டில் ஒரு வாக்கியத்தை வாசியுங்கள், ...

" மற்றவர்க்கு 'மகனாகிய'
    கொற்றவனெங் கோவரகுணன்".

  என்ன அர்த்தம் என்பதை உங்களின் பார்வைக்கே விடுகிறேன்.  நான் காணும் அர்த்தம் இதுதான். 

"எவனுக்கோ மகனாகிய கொற்றவன் எங்கள்  கோ வரகுணன் "

              என்ன இது கேவலமாக இருக்கிறதே? என நினைக்கிறீர்கள் அல்லவா? இப்படித்தான் படியெடுக்கிறேன் பேர்வழி என்று  பொருளைச்சிதைத்தும் குறிப்பிட்ட சமூகம் பெயர் பெற்றுவிடக்கூடாது என்றும் கூட்டுச்சதியைச் செய்துள்ளனர்.  அந்தோ பரிதாபம்! .. அந்த செப்பேட்டு வாக்கியம் இதுதான். ..,

" மறவர்க்கு மகனாகிய கொற்றவனெங் கோவரகுணன் "
         
                                    -இப்போது படியுங்கள் பொருள் சரியாக வருவதை உணர்வீர்கள், 

கல்வெட்டுகளிலும், செப்பேடுகளிலும் புள்ளி முறை இல்லாத அக்காலத்திய நடைமுறையை இக்காலத்து புள்ளி வைத்து "ற்" என வாசிக்கும் போது மிகவும் கவனமாக சரியாக வாக்கியம் அமைந்துள்ளதா? அவ்வாறு முழுமையடைந்த வாக்கியம் சரியான பொருளைத் தருகிறதா?  அல்லது தவறான பொருளைத் தருகிறதா?  என்று கூட உணராமல், எல்லா வாக்கியங்களுக்கும் சரியான பொருளைத் தந்துவிட்டு "மறவர்" என்று வந்ததை மட்டும் "மற்றவர்" என மாற்றிவிட்டால் பின்னாளில் வரும் தலைமுறை ஆய்வாளர்கள் , வரலாற்றாளர்கள் எல்லாம் கண்டுகொள்ளாமல் போய்விடுவார்களா என்ன?...  இந்த செப்பேடு ஒன்றோடு விட்டுவிட்டார்களா?  அதுவும் இல்லை! கீழே ஒரு கல்வெட்டு ஒன்றை உங்களுக்கு தெரியப்படுத்துகிறேன். , அதையும் வாசியுங்கள். . எல்லாம் புரியும். ,

இது பராந்தக நெடுஞ்சடையன் எனும் பாண்டியனின் ஆறாவது ஆட்சியாண்டு  {கி.பி:773} கல்வெட்டாகும்.

" ஸ்ரீகோமாறஞ் சடையற்கு
  ராஜ்ய வருஷம் ஆறாவது செல்லா
நிற்ப "மற்றவர்க்கு"மஹா
சாமந்தனாகிய கரவந்த புராதி
வாசி வைத்யன் பாண்டி அமிர்
தமங்கல வரையனாஇ
ன சாத்தங்கணபதி தி
ருத்துவித்தது திருக்கோ இ
லும் ஸ்ரீதடாகமும் இதனுள
றமுள்ளதும் "மற்றவர்க்கு"
தர்மபத்னி ஆகிய
நக்கங் கொற்றி யாற் செயப்
பட்டது துர்க்கா தேவி கோ
இலும் ஜேஷ்டை கோஇலும்."

இக்கல்வெட்டின் படி பெறப்படும் செய்தியாவது,  மாறன்சடையன் என்னும் பராந்தக நெடுஞ்சடையனாகிய வரகுணபாண்டியனின் ஆறாவது ஆட்சியாண்டில், இம்மன்னனின் படைத்தலைவன் சாத்தன்கணபதி என்பவன் திருப்பரங்குன்றம் குடைவரையைத் திருத்தி அமைத்தான். இவன் நெல்லை மாவட்டம் கரவந்தபுரம் என்ற ஊரைச்சேர்ந்தவன். இக்கரவந்தபுரமே இன்றைய உக்கிரன்கோட்டையாகும். இன்று லக்ஷ்மி தீர்த்தம் என வழங்கப்படும் குளத்தையும் இவனே அமைத்தான். அவனது மனைவியான நக்கன் கொற்றி என்பவள் இம்மலையிலேயே துர்க்காதேவி கோயிலும், ஜேஷ்டை கோயிலும் குடைவித்தாள்.  என செய்தி தெரிகிறது.  சரி!.. இனி விஷயத்திற்கு வருவோம். ,

இக்கல்வெட்டில் .....

" மற்றவர்க்கு மஹா சாமந்தனாகிய "

எனும் வாக்கியம் உணர்த்துவது என்ன?

மற்ற எவருக்கோ சாமந்தன் என்று பொருள் கொள்ளலாமா?  இங்கே இவன் பாண்டிய மன்னனாகிய வரகுணன் கீழிருந்த சாமந்தன்  {படைத்தலைவன் அல்லது குறுநிலமன்னன்}
என தெளிவாக வரலாறு உணர்த்திய பிறகு,  பின் எவ்வாறு இவன்  மற்றவனுக்கு மஹாசாமந்தனாகுவான்?  இது இகழ்ச்சியாக இல்லையா?

" 'மறவர்க்கு' மஹா சாமந்தனாகிய
  கரவந்த புராதி வாசி வைத்யன் ".....

                -இப்போது படியுங்கள் பொருளுடன் வாக்கியம் சரியான முறையில் உள்ளதல்லவா? 

இதாவது பரவாயில்லை! ... அதேகல்வெட்டில் இதற்கு கீழேயே வரும் பின்வரும் வாக்கியமானது மிகவும் கேவலமான பொருளைத் தருகிறது. ..அது!.....

"'மற்றவர்க்கு' தர்மபத்னி ஆகிய நக்கங் கொற்றியாற் செயப்பட்டது"

       -அடப்பாவிகளே!. ..😄 .  "மற்றவர்க்கு தர்மபத்னி" என்றால் என்ன அர்த்தம்?   ஊரில் உள்ள அனைவருக்கும் தர்மபத்தினியா?   கொடுமைதான்.  ஒருவேளை படியெடுத்தவர் "தர்மபத்னி " என்பதை தருமமாக கொடுக்கப்பட்ட பத்தினி என்று நினைத்து அனைவருக்கும் வாரிவழங்கிவிட்டாரோ என்ன  கருமமோ?

"மறவர்க்கு தர்மபத்னி ஆகிய நக்கங் கொற்றியாற் செயப்பட்டது "

      - என்பதே இங்கு சரியான வாக்கியமாகும். 

இவை மட்டுமல்ல இன்னும் பல தவறுகளையும் பலரும் செய்துள்ளனர். இது என்னுடைய கருத்து மட்டுமல்ல! , இந்த "மற்றவர்க்கு " எனும் வாக்கியம் அமைந்த 'கல்வெட்டு படிகளை' பல்வேறு சிறந்த ஆய்வாளர்கள் குழுமத்தில் நான் கேட்டு விவாதித்ததில் அது தவறென்றுதான் அனைவரும் சொல்கிறார்கள். ஆக இது போன்ற கல்வெட்டுகள் மற்றும் செப்பேடுகள் மீண்டும் மீளாய்வுக்குறியது என்பதுடன் காழ்ப்புணர்ச்சி இன்றி வரலாற்றை உள்ளது உள்ளபடியே வாசிக்கும் காலம் விரைவில் வரும் என்பதையும் தெரிவித்துக்கொள்கிறேன். 

                -அன்புடன்,

     கி.ச.முனிராஜ் வாணாதிராயன்.